|
Den nye soknepresten i
Kvinnherad, Uskedalen og Ænes sokn Sven Harald Nilsen (55) tiltrer i den nye
stillinga midt i september. Nilsen, som er frå Arna, skal bu i Rosendal og
flyttar dit saman med kona Sigrun Vik Nilsen. Ho er frå Fitjar og dei har
tre vaksne born.
Dei siste sju åra har Nilsen vore sokneprest i Jostedalen prestegjeld i
Luster og budd i Gaupne innunder Jostedalsbreen.
Nilsen legg vekt på religions- og trusopplæring for born og har erfaring med
å jobba med born i alle aldrar.
Leiar i Kvinnherad sokneråd, Kristine Hestad, har sagt til
Grenda
at den nye soknepresten har ein bakgrunn som passar til stillinga.
Ho minnar om at dei har byrja med gjennomføringa av eit
trusopplæringsprosjekt. Nilsen har mellom anna hatt vandring gjennom
Bibelen for born i femte klasse i Luster.
- Han er flink til å snakka med born, seier Hestad.
Vikarierandre sokneprest John Victor Selle blir pensjonist
og flyttar heim til Bergen midt i august.
Ola Matti Mathisen
uskedalen.no
|
