16. mars vart Kristian Due tilsett som sokneprest i Uskedalen sokn, med Husnes og Holmedal sokn og Uskedalen sokn som tenestestad. Saman med kona og sonen har han busett seg i prestebustaden på Valen og tek til i stillinga no i august.

Kristian Due er 26 år og gift med Ragnhild frå Vaksdal utanfor Bergen. Saman har dei sonen Per Kristian på snart 1 år. Kristian er opprinneleg frå vakre Hamarøy i Nordland. Han budde ei stund i Molde under oppveksten.

Etter vidaregåande skule jobba han i Bergen, deltid som barne- og omsorgsarbeidar. Der gifta han seg med Ragnhild. Etter ei stund flytta dei til Stavanger der begge har studert teologi ved Misjonshøgskulen. Kristian var ferdig der i fjor vår. Han har avtent verneplikta i Forsvaret som feltprest i Bodø. Det er derifrå han og familien no set kursen mot Vestlandet att.

Ei av hovudoppgåvene dine vert barne- og ungdomsarbeid. Kva tankar har du om det?
Det vert nok uansett artig og spennande, samt lærerikt. Eg synes det mest spennande med heile den nye satsinga på dåps- og trusopplæringa i kyrkja, er det store engasjementet mange har. Eg ser fram til å vera ein del av dei som alt har dette engasjementet om opplæringa.

Eit lite bibelvers til slutt:
Eg har veldig sansen for Jesu herlige svar til sine forskrekka disiplar i Luk 18,27:
«Han svarte: Det som er umulig for mennesker, er mulig for Gud.»

Tekst: Laila Eiren Broks
Foto: Privat