Tung til sinns etter ein regnfull seinsommar? Tenkjer du på korleis koma
gjennom den lange hausten ?
Eller syns du det er herleg når det mørknar om kveldane og du kan krypa
saman i sofaen under eit godt pledd med ei god bok, eller invitera gode
vener til eit godt måltid mat og ein god prat ?
Uansett. På torsdag inviterer Kyrkjelydens kvinneforum til ein kveld i
Valen kyrkje der me ynskjer at humor skal stå sentralt. Me har invitert
kyrkjelydssekretær Oddbjørg Heimark frå Rosendal til å kåsera om ”Humor
i kvardagen!” Slik me kjenner henne vil me få høyra litt å le over og
litt til ettertanke.
Erfaringar frå andres og eige liv om korleis humor i kvardagen kan gje
nytt perspektiv på tilværelsen.
Oddbjørg Heimark arbeidde som husmor på sjømannskyrkja i New Orleans før
ho kom til Rosendal for 15 år sidan. Ho har arbeidd mykje med
formidling.
Elles håper me at flest mogleg tek på seg hatt denne kvelden. Du veit
den hatten du kjøpte for mange år sidan som du aldri har våga å bruka.
Eller den utslitte solhatten du hentar fram til kvar sommar. Eller kva
med ein av hattane du arva frå mor di. Me trur dette blir moro!
Me inviterer og på suppe og prat og avsluttar kvelden i kyrkjesalen med
lystenning, song og bøn.
Velkomen kvinner i alle aldre og fasonger, med og utan hatt!!!
