Deltakarane hadde i forkant meldt seg på éin av tretti ulike aktivitetar som dei fekk instruksjon i over tre dagar. Våre ungdommar hadde m.a. meldt seg på sandvolleyball, rollerblades, basketball, akrobatikk, klatring og baseball. Det var mange svært nøgde ansikt å sjå då dei kom tilbake frå aktivitetane!

Då var det til å hive inn på litt middag før turen gjekk bort til Sommarland (badeland). Bø camping som me budde på ligg berre ca 500 m frå det populære badelandet, og deltakarane hadde fri inngang her tre dagar inkludert i den prisen dei betalte for leiren.

Inne på campingområdet var det sett opp eit digert sirkustelt/møtetelt der det var møte morgon og kveld. Deltakarane gav svært gode tilbakemeldingar på møtene og. Her var eige husband og forsongarar som leia oss gjennom flotte allsongar. Kvart møte byrja med bilete og video på storskjerm frå dagen som hadde vore. Elles vart kvart møte krydra med diverse humorinnslag, og talarane som snakka om ulike tema som har med kristendommen og det å vera eit menneske å gjera, snakka på ein veldig forståelig og fengande måte.

Motto for årets Action var "Høyt og lavt", og me fekk m.a. høyra om at Gud ynskjer å vera med oss både dei dagane me føler oss høgt der oppe, og dei dagane me føler me er langt nede.

På KRIK og Nattcaféen si nettside www.nattcafe.origo.no, kan du finne eit fotoalbum som heiter "Action 2009". Der kan du sjå ein del bilete frå veka vår i Bø!

Etterkvart vil det og koma ut både bilete og video på KRIK sntralt si heimeside www.krik.no.

JoF