Mandag 14. september kan du
røysta ved tre val i år - stortingsvalet, soknerådsvalet og
bispedømerådsvalet.
Det er dei to siste vala det skal handla om her.
Demokratiprosessen i Den norska kyrkja inneber at kyrkjevalet i haust
gjev deg som vel langt større påverknad
på kven som skal styra kyrkja i tida framover. Fleire spanande endringar
gjev dei 3,8 millionar medlemene i
Den norska kyrkje større medråderett.
Dei største skilnadene er:
• Det er auka bruk av direkteval - veljarane skal kunne røysta direkte
på kandidatar til bispedømeråd/Kyrkjemøtet (det øvste representative
organet til kyrkja) - desse har til no vore valde av medlemene i
sokneråda
• Du kan røysta samtidig med stortingsvalet -
kyrkje-valet skal vere same dag og i nærleiken av dei offentlege
vallokala
• Du har røysterett òg som 15-, 16-, eller
17-åring - heile sju årgangar er fyrstegongsveljarar i år.
• Kandidatane vert valde for to år - dette er eit
forsøksval der dei valde sit i berre to år.
Nytt val er alt i 2011, same dag som kommune- ogfylkestingsval.
Alle desse endringane er viktige steg på vegen fram mot målet om auka
demokrati i kyrkja.
Dette igjen vil leggja grunnlaget for ei grunnlovsendring frå 2012 der
paragrafane som regulerer tilhøvet mellom Konge, stat og kyrkje vert
endra.
Dei siste åra har valoppslutnaden lege på 4,2 %. Både me i kyrkja og
politikarane har tru på at langt fleire vil seia meininga si gjennom å
leggja røystesetelen i valurnene i år, mellom anna på grunn av dei
endringane me har nemnt her.
Omlag 3,1 millionar nordmenn vil ha rett til å røysta 13.-14. september.
Alle som er døypte og dermed er medlemer i Den norska kyrkja, vil få
valkort i posten - eit kort som gjev deg lokal informasjon om kvar du
kan røysta og kven du kan røysta på. Dersom du mottek dette valkortet og
ikkje er medlem i Den norske kyrkja, kan du returneravalkortet og be om at denne feilen i kyrkja sitt medlemsregister vert
retta.
