Alle
ungdommar som er fødde i 1995 fekk for nokre veker sidan tilsendt heftet
"Konfirmant 2010" i posten.
Her informerer Den norske kyrkja om kva det vil seia å bli konfirmert.
Denne personleg adresserte sendinga av informasjon til moglege
konfirmantar er ei landsdekkande satsing,
men kvart bispedøme har sin
eigen variant av heftet.
Heftet ”Konfirmant 2010” er blitt til i eit samarbeid mellom dei elleve
bispedømeråda, Kirkens Nødhjelp og Kyrkjerådet. Den fargerike 16-siders
trykksaken kjem i 11 ulike utgåver med lokal informasjon frå alle
bispedøma.
Det er i april og mai dei fleste konfirmasjonsgudstenestene vert haldne.
Nettopp på denne tida ynskjer Kyrkjerådet å nå alle dei som har eitt år
igjen til sin eigen konfirmasjon. Dei vonar heftet "Konfirmant 2010" vil
føra til mange samtalar mellom ungdom og deira føresette om neste års
konfirmasjonstid.
Dei siste åra har over 42.000 ungdomar konfirmert
seg i Den norske
kyrkja. I Bjørgvin har det vore vél 6000konfirmantar dei siste åra.
Dette er i underkant av 80 % av alle 15-åringar i
bispedømet. På landsbasis vert omlag 1400 ungdomar som ikkje er døypte frå før,
døypte i løpet av konfirmanttida. I Husnes og Holmedal sokn vil sokneprest Jan Ove Totland vera innom
8. klassane på ungdomsskulen
i første halvdel av juni og informera om konfirmasjonstida. Deretter
vert det innskriving i kyrkjene om kvelden tirsdag 17. juni.
