Oppdatert/endra
30.04.2009

Søndag 26. april var det søndagssamling på Husnes bedehus. Denne gongen kombinerte me søndagssamlinga med våravslutning for både SVUSH og søndagsskulen på Husnes.
Her kan du lesa kva ein av leiarane i SVUSH og søndagsskulen, Britt Huse, skriv på heimesida til Husnes søndagsskule:

Så er vårsesongen over. Me hadde ei kjempe fin avsluttning søndag 26. april. Det kom ca 60 stk som var med oss. Først var me inne der me song masse ilag, og Vimselur kom å hadde ein lek med oss. Så kom professor JANNOF å fortalte oss om UTROLIG GIVERGLEDE. Han begynte med å fortelja om tyngdekraften, og då kom spørsmålet om kven som treffe bakken først av eit egg og ein kylling. Kva trur du?

Så blei det fortalt (dramatisert) historia om den fattige enka som ga alt ho eigde til tempelet. Mark 12, 41-44. Ho var så takknemlig for alt ho hadde fått av Gud, så ho ville få gi tilbake igjen til Guds hus.. Ho gav med eit takknemligt hjerta. Me lærte at Gud elsker ein glad giver:)

Så var det endeligt tid for å gå ut å få grilla seg ei pølsa. Me hadde bed om fint ver og det fekk me. Gud er god:)
Då me hadde fått i oss litt mat var det tid for 50-sporløp. Her var det kappløp om å komma seg først til 50. Og både store og små var ivrige i å klara oppgava.
Me vil få takka alle som kom å var med oss, og håpe me ser dåken alle igjen til hausten:)