Dei siste åra er det mange ungdommar frå bygdene våre
som har delteke på Indremisjonssamskipnaden sin Skiweekend på Helgatun.
I år var det ca 30 kvinnheringar med på leiren! Elles var det ungdommar
frå Stord, Bømlo, Kvam og Voss som var med.
Me hadde eigen buss frå Husnes og kom fram til Helgatun i 8-tida fredag
kveld. Etter kvelds og romfordeling var det klart for bli-kjent-samling
med både underhaldning, song og andakt.
Laurdagen starta med overskya vær og litt snø i lufta. Etter ein tidleg
frokost hadde Anja U. Heggen bibel-samling for oss. Temaet
”Kristendommen - kjedeleg, usann og irrelevant?” la ho fram på ein
glimrande måte. Ho fekk formidla mykje flott om Han som seier Han er
Vegen, Sanninga og Livet.
Ute i ski-bakken var det stor aktivitet, og då det utpå ettermiddagen
skein opp og skyene forvann meir og meir, vart det glimrande forhold i
bakken. Til tross for nokre småskadar er det flott å oppleva ungdommar
som kjem strålande og sprudlande tilbake etter å ha utfolda seg i
ski-bakken.
Då me hadde ete middag laurdag kveld var det mange som ville ut i snøen
og herje igjen. Vidare utover kvelden vart det leirfest med leik og
moro, song, andakt og delestund.
Søndagen vakna me til knall blå himmel og 12 kuldegrader. Etter frokost
og ei flott bibelsamling fekk me vél 3 timar i bakken før det var klart
for rydding, middag og heimreis. Nok ein gong kunne glade og fornøgde
ungdommar reisa heim etter ei flott helg oppe i vinter-eventyret!
JoF
Les meir om Skiweekend på
Indremisjonssamskipnaden si eiga
heimeside!
