Kva i all verda er dette for ei overskrift? Jau, ho er
sjølvsagt skriven i von om å fanga merksemd. Fyrstkomande torsdag kveld
ser eg for meg "eit tog" av muntre kvinner – med vår i blikket, senka
skuldre, svoltne og med kjappe fot-trinn – på veg til Kvinneforum i
Valen kyrkje! Då kjem Marit Skaar Skogesal (bilete)
attende, fem år etter at ho slutta som prest her hos oss. I dag
er ho sokneprest i Asker.
Torsdag skal ho halde føredrag over temaet; Kvinner i Bibelen – kven var
dei og kva dreiv dei?
Me gler oss til å møta Marit att, og høyra henne fortelja om kvinner i
Bibelen. Det skal bli interessant å få vera med på ei reise attende i
historia. Det meste av det som er nedteikna skriftleg gjennom tidene har
vore gjort på menn sine premissar. Me må ta vare på, og halda opp og
fram det som trass alt fins av kvinnehistorie i bibelske tekstar. Det
handlar om vår identitet, og kanskje om å styrka vår stolthet over å
vere kvinner? Er det mogleg å dra trådar mellom kvinnene i Bibelen og
kvinner av i dag?
