Fredag 7. desember var det klart for juleavslutning på
Nattcaféen på Husnes bedehus. I mange år har me hatt ei tradisjonell
avslutning med graut og ungdommar som ivrig har leita etter ei mandel me
har putta oppi. Dette året ville me gjera litt meir ut av det.
Me inviterte til Julebord med pinne-kjøt på menyen. Til dessert vart det
servert is med bjørnebær. 35 ungdommar melde seg på, og det vart ein
kjempeflott kveld. Torstein Aarthun hadde full kontroll på kjøkkenet,
medan tre vaksenhjelper var med og serverte. Ailin Sanden las
juleevangeliet og song to songar for oss, Tom André Olsen hadde ein
flott andakt og Jan-Ove Fagerheim leia festen.
Ungdommane hadde funne fram finstasen, med flotte kjolar, dress og
slips. Etter middagen hadde me ein del leikar og konkurransar, før
kvelden vart avslutta rundt eit lys-kors inne i matsalen. Her kunne
ungdommane tenne eit lys som ei bøn for nokon dei tenkte på, eller dei
kunne skrive bønelappar og putte oppi ei krukke.
Takk til alle ungdommane for nok eit flott år på KRIK og Nattcafé.
JoF
Nokre bilete frå
Nattcaféen sitt Julebord 7. desember 2007:
