Søndag 29. april var det avslutningstur for
store og små i Tveitedalen på Utåker. Det var Sandvoll og Holmedal
Kvardagsskule, i lag med indremisjonsforeningane i bygdene, som
arrangerte turen.
Alle møtte fram ved Ternebu (skisenter). Der var det laga til
sporløp innover til ein plass som heiter Tverrberg. Før Sporløpet
kunne starta fekk alle utdelt agent-alfabet og oppgave-ark av
sjefsagent Olaug. Det var 11 spor innover dalen med ord på
agent-alfabetet. Til slutt måtte ein komme fram til ein setning som
var løysning på oppdraget. Små og store la ivrig i veg. Undervegs
måtte og laga bryne seg på ulike oppgaver; Kaste potet i bøtte,
ringkast, bowling m.m. Alle kom fram til løysningsordet som var:
”Jesus sa: Gå difor ut og gjer alle folkeslag til læresveinar.”
Etterkvart som gruppene vart ferdige med sporløpet var det pølser og
brus å få for små og store magar.
Marta Kroka frå Husnes Søndagsskule var med oss og hadde andakt. Ho
fortalde om då læresveinane til Jesus fekk misjonsbefalinga, og sa
at den var like aktuell nå som då. Me har alle ei oppgave med å
fortelje andre om Jesus, enten her heime eller til andre folkeslag.
Det var tid for kaker og kaffi og salg av lodd. Både lynlodda og
skrapelodda til kretsen gjekk unna som ein røyk. Me fekk inn ein fin
sum pengar som blir sendt til kretsen.
Til slutt fekk alle barna agent-diplom for flott innsats i sporløpet,
Søndagsskuleblad og Agent-CD.
Det var ca 45 små og store som hadde ein flott dag ute i flott natur
med nydelig vær, og som ei av dei eldre sa: ”Dette har blitt ein
tradisjon som me må få med oss!”
