Fyrste fredagen i februar var konfirmantane i prestegjeldet vårt invitert til Etne på besøk
til konfirmantane frå Etne og Skånevik. Det vart ein kveld mange vil hugse.

Denne kvelden hadde konfirmantane frå Etne og Skånevik besøk av eit team som kallar seg Roadservice. Dei reiser rundt i landet vårt og treffer konfirmantar og andre ungdomar. Teamet er samansett av eit knippe ungdomar som har eit par undervisningstimar saman med konfirmantane og etterpå har ein konsert. I spissen for denne konserten stod Maren Flotve Birkeland. Ho var med i TV-programmet Idol 2004, og er difor ein artist mange kjenner frå før.

Det vart ein fin kveld, og særleg var konserten eit høgdepunkt. Mykje lyd, flott song og musikk, og ein imponerande kontakt med publikum. Ho nytta og høvet til å formidla det ho trudde på mellom songane. Dei fleste songane var nok ukjende for konfirmantane, men plutseleg kom det ein song vi hadde brukt på konfirmantturen vår til Brandøy. Då vart det allsong, og då same songen etter ønske kom som ekstranummer inntok mange av konfirmantane våre scenen saman med Maren. Ei oppleving mange sette pris på.

Etter konserten fortsette opplegget i Etne, men vi måtte ta plass i bussen for å nå ferja. Denne kvelden var det nok mange av konfirmantane våre som hadde sett pris på nattferje mellom Skånevik og Utåker. Då kunne dei fått med seg alt.

TAa

Les meir om kva Roadservice handlar om her.
 

FOTO-galleri >>>