Oppdatert/endra
03.10.2007

Med Norefjell og himmelen som altartavle

Søndag 13. juni  inviterte Husnes kyrkjelyd til friluftsgudsteneste i Husnesparken for 11. gong. Sokneprest Jan Ove Totland påpeika innleiingsvis at i løpet av dei 10 åra ein har hatt denne gudstenesta har ein aldri måtta røma innomhus pga været.

Teksten for dagen handla om "havesykje" og det å vera rik i Gud. Me vil ha meir og meir, men vert aldri nøgde. I preika si snakka Totland m.a. om alt me har å vera takknemlege for – utan at me sjølve kan gjera noko til eller frå. "Me kan t.d. berre ta imot med takk, og gleda oss over det fine været på slike dagar som dette. Og kva er vel finare enn å ha gudsteneste med Norefjell og himmelen som altartavle?" 
sa han vidare. For andre år på rad var pinsemenigheten Sion særleg invitert til å vera med på gudstenesta, og tekstlesar for dagen var leiar på Sion, Olav Røssland.

Like etter gudstenesta stelte Husnes sokneråd til kyrkjekaffi og kom rundt og serverte kaffi, kaker, boller og brus til dei vél 80 personane som hadde teke turen ut i den solvarme juni-dagen for å høyra Guds ord ute i Guds frie natur.

Med Norefjell og himmelen som altartavle.

Like etter gudstenesta var det kyrkjekaffi
med kaffi, boller, kaker og brus.