Oppdatert/endra
27.03.2008

Feite action-dagar i Bø
Tekst: Daniel C. Fitjar          Foto: Jan-Ove Fagerheim

Seinare på kvelden var det opningsmøte. Då fekk vi vite at mottoet for leiren var "Fete Dager". På møtet skjedde det mykje; Informasjon om dei neste dagane, song og musikk, aktivitetar og komikarar var blant det som stod på programmet. Etter møtet var det KRIK-torg. Her kunne ein kjøpe KRIK-effektar, og delta på aktivitetar. Dette var siste post på programmet før det var leggetid. Som alltid viste kvinnheringane eksemplarisk framferd, og alle dei 8 deltakarane la seg utan å mukke. Og leiarane? Dei måtte gå nattevakt.

Ein vanleg dag på leir
Dagane hadde ganske likt program. Etter ein frukost som vi måtte ordne sjølv, var det morgonmøte. Leiarane fant ut at denne gjengen såg altfor trøytte ut, og fekk difor deltakarane til å reise seg for ein slags morgongymnastikk, før morgontalaren, Jack, entra scenen. Mannen var frå England, og snakka difor engelsk, men det var svært lett å få med seg alle dei viktige tinga han fekk sagt gjennom humoren sin.

Bileta av Jack er henta frå KRIK sine heimesider på nettet.

Etter møtet var det tid for idrettsaktivitetar. Tre av oss hadde innebandy som aktivitet, men vi var også representerte på bueskyting, orientering og ballspel.

Etter 4-5 timar ute på aktivitetar var det klart for middag. Middagen var nok den rolegaste stunda i løpet av dagen. Nokre meiner nok at det var den kortaste også.

No var det tid for den aktiviteten som svært mange av leirens deltakarar hadde sett fram til, og som også var ein av hovudgrunnane til at mange meldte seg på. Sommarland i Bø ligg nemlig berre 500m frå campingplassen, og deltakarane fekk fri adgang mellom 15.00 og 19.00 både tysdag, onsdag og torsdag. Det er vel ikkje så mykje meir å seia enn at vi vart våte nok av klorvatnet på dei tolv timane vi hadde der. Om kvelden var det kveldsmøte og KRIK-torg att. Eine kvelden hadde dei m.a. bruskassestabling. Her var det gjort i stor stil, og fleire fekk stabla over 20 kassar oppå kvarandre før det rasa og dei sjølve vart hengande i strikken.

Globalcup
På onsdagen var kveldsmøtet og KRIK-torget bytta ut med Globalcup i Telemarks-hallen. Globalcup er hovudsakeleg ein fotballcup, men det er mykje anna å finna på for dei som ikkje deltar. Det er kiosksal og konkurransar. Inntektene frå det heile gjekk til KRIK sitt arbeid i u-land, der dei gjer ungdom eit idrettstilbod samtidig som dei formidlar den kristne trua.

KRIK Husnes stilte med eit gutelag. Vi hadde diverre ikkje nok spelarar, så vi lånte nokre her og der. Nokre av oss hadde vore på Action i 2002 også, og då gjekk det ikkje så bra. Difor var målsetjinga i år å gjera noko vi ikkje hadde klart før; Å score eit mål. Den første kampen tapte vi 0-1. Det var ille, sjølv om det var dei som enda på andreplass samanlagt til slutt. Neste kamp måtte vinnast! Motstandarane her scora rett etter kampstart. Likevel kjempa laget vårt. Det blei bellønna med to mål. Me vann kampen! Den siste kampen tapte vi 2-0. Det var likevel ikkje så ille, for vi hadde klart målsetjinga vår. Vi hadde også vunne ein kamp. Kvelden vart vellykka.

Avreise
Fredagen var her. Den grufulle fredagen. Det var over. Ikkje leir meir. Pakking og køyring. Vi var alle einige om at dette var veldig gøy, og dei fleste vil reise neste år også. Dersom du tykkjer dette høyrest interessant ut, kan du få meir informasjon på www.krik.no.