Aktørane: Asle (framme t.v.), Hildegunn og Haldis Reigstad.
Bak: Torjus Vierli (t.v.) og Arve Reigstad.
Foto: Arne Lindekleiv
Ei nær fullsett kyrkje fekk søndag lytta til vakker song, musikk og
diktlesing,
framført av familien Reigstad.
Musikar og songar Arve Reigstad framførte fleire av songtekstane som mor hans,
Haldis Reigstad hadde laga, og der han sjølv hadde sett tonar til. Med som
songar var og dotter hans Hildegunn Reigstad Vierli, kjent frå fleire
TV-opptredenar og CD- innspelingar saman med søstera Ingelin.
Far og dotter framførte desse songane på ein varm og inderlig måte, og der
bodskapen om Guds omsorg, nåde og den kristne vona kom klårt fram. Hildegunn sin
ektemann Torjus Vierli deltok og med akkompagnement på trekkspel, piano og
kyrkjeorgel.
Det var og ei fin oppleving å lytte til Haldis Reigstad som las frå sin
rikhaldige diktsamling. Her skildra ho kvardagsopplevingar, og åndelige
sanningar på ein enkel og gripande måte. Asle Reigstad, saman med Arve var med
og ramma inn programmet med vakker musikk med kornett og piano.
Jo, det vart ein ettermiddag som gav temaet «min kvilestad» eit meiningsfullt
innhald.
