Den nye ordninga inneber at slik avtale no skal gjerast med Kyrkjeleg Fellesråd ved Kyrkjeverjekontoret! Dette inneber at melding og avtale kan gjerast på vanlege vekedagar i kontortida. Dødsfall som skjer mellom fredag ettermiddag og måndag morgon vert meldt inn måndag morgon.

I gravferdslova heiter det at Kyrkjeleg Fellesråd har ansvar for fastsetjing av tidspunkt for den einskilde gravlegging. I Kvinnherad har ein likevel fram til no hatt ei ordning der ein ved dødsfall har hatt høve til å gjera slik avtale med presten. Den nye beredskapsordninga for prestane gjer at ein no ikkje kan forventa å få kontakt med den lokale presten utanom vanleg tenestetid. Samstundes er det kyrkjeverjekontoret som har best oversyn over kva kyrkjelege tenestefolk som er til rådvelde for dei ulike oppgåver.

Det er og fastsett ordningar for kva dagar som gravferda skal leggjast til i høve til tidspunkt for dødsfall. Gravferdslova fastsett og at gravferd skal skje seinast 8 dagar etter dødsfall.

Sjølv om det no vert innført ny ordning når det gjeld fastsetjing av tidspunkt for gravlegging så er det framleis presten som vert kontakta for medlemmer i Den Norske kyrkja, med tanke på samtale og førebuing av gravferd.

Kyrkjeverje