|
"Gå bort og
synda ikkje meir"
Det var nok mange som gledde seg til å møta Jesus. Det trur eg ikkje
denne kvinna gjorde då dei kom med henne til Jesus. Dei hadde gripe henne
"medan ho gjorde ekteskapsbrot" som det står i Bibelen. I
fylgje skrifta (5.Mos.
22) skulle eit slikt brot straffast med dødsstraff. Sannsynlegvis var
dette ein fin situasjon for dei skriftlærde å setja Jesus på prøve
med. Dei strenge lovene på dette området vart visstnok ikkje alltid
handsama slik det stod i skrifta. Ved å setja Jesus på denne prøven
ville han anten koma i konflikt med loven frå Det gamle testamentet eller
med dei gjeldande kjenslene hos folket.
Det er då frigjerande når Jesus ber den som er utan synd om å kasta
den fyrste steinen. Frigjerande for henne som var teken for brotet og som
sikkert ikkje gledde seg til å møta Jesus. Men slett ikkje frigjerande
for dei som kom med henne.
Heldigvis er det ikkje menneska si oppgåve å døma på den siste
dagen, og heldigvis er domaren raus. Kristus har sona for oss. Vi har alle
brote Gud sine bod. Dei som bryt ekteskapsbodet er slett ikkje i nokon
særklasse. Vi kan koma til han med all vår synd gong på gong. Men kvar
gong er beskjeden og utfordringen for oss den same: "Gå
bort og synda ikkje meir."
God helg!
Torstein Aarthun |
